L'asturianu na rede

Güei quiero falar, como'l propiu nome del post diz, del l'asturianu na rede.

Páxines d'empreses, páxines personales, páxines de notícies, l'asturianu ta espoxigando nel mundu d'internet, va pasín a pasín, pero cada díi el numberu de páxines na nuesa l.lingua medra.

El gruesu de mas emportancia nesti espoxigue son les páxines personales o blogs. Yo personalmente creyo que ye perimportante que esti gruesu medre, ya a la fin estes páxines son les la xente d'a pié, son nes que se demuestra que la l.lingua pue tener una normalización na xente, que la puen emplegar na so vida diaria, y que esta l.lingua nun ta muerta, sinón mas bien a la contra, esti crecimientu asociáu a les páxines personales, ya en su mayoria a xente mozo, amuesa que la nuesa l.lingua pue l.legar a tener una relevancia muncho mas importante, si se-y dieran los medios y les oportunidaes pa el.lo.

Nun voi dicir que menos importante seyan les páxines de noticies o de les empreses, estes aporten tamién a la normalización, que un asturianu pue l.leer les nueves la so l.lingua, o que puea tar a la güeta de un l.libru o un productu na rede y puéa atopar la información n'asturianu por supuestu que aida a esa normalización, aunque al mio parecer en una menor medida que la que aporta el que cada díi mas xente lo faiga dende la so propia páxina.

La pena ye que esti crecimientu na rede nun se vea apoyáu dende otro medios de comunicación del pais, si tenemos un periódicu pero ye ca quince díes ya de la calidá del mesmu prodríen dicise munches coses. La televisión, val mas nun falar, entamen los programas n'asturianu pocos ya curtios, ya revienten l'audiencia, tienen el doble qu'el programa más vistu en castiel.lan, pero aún asina arrequexan l'asturianu nuna esquinuca, a este hai que suma-y el piesl.le de teleasturies. Na radio, hay dalguna radio como radio sele, pero manda güevos que quieran quita-y la so frecuencia d'emisión pa dasela a la RTPA creyo, na RTPA hai tamién dalgún programín, pero bono, poca cosa.

D'esto, el tema de los blogs, va falese esti fin de selmana en xixón, nes xornaes de la seronda, prestaríame dir, pero esi finde son les fiestes del mio pueblu ya la parriel.la con los col.lacios, ya taré pendiente de algún blog perehí pa ver que se faló.

Engüeyamonos nos chigres

youtube I

Nun fai falta dicir que ye youtube, a estes altures ya tol mundu sabelo de bien.

Dedico-y esti post de güei a youtube, por que nun se que sedria de min nel trabayu sinón lu tuviere.

Pondré equí ciertos videos que pa min son esenciales :

U2 -> pues ponese varios pero pondre .... ONE buffalo version

fito -> Abrazado a la tristeza en directo

quique gonzalez y enrique urquijo -> Aunque tu no lo sepas

metallica -> nothing else matters

extremo -> standby

cochita -> tres segundos

sabina -> por el bulevard de los sueños rotos

bunbury -> Canto


Bono estos son dalgunos, de xuru que hai abondos mas, de xuru que de dalgun de los grupos que punxi puen ponese mas d'un canciu ... habrá youtube II.

Meme

Dende Bilbo, camento yo que entovía anda por aquel.los lares, mandame "El trasgu d'areces" que-y siga el meme. Asína que cueyo la so inviatción :

Una Tipografía : A min prestame la Comic Sans SM, ye la que empego davezu nel msn, pero si teo de escoyer tamién voi poner la Times Astur, Courier Astur y Arial Astur, que permiten l'emplegu de la l.l y la h., puen descargase de "nel pozu la pita".

Una Paxina web imprecincible : Asturies.com y lne.es son les primeres que l.leo pela mañana, tamién resulltame imprecindible la páxina del diccionariu Xeneral de la l.lingua pa cualesquier consulta.

Un blog n'otra l.lingua distinta del asturianu : Nun soi yo mui de l.leer blogs podría dicir del.los, los de los mios col.lacios pero caberamente tan un pelacu paraos, el que mas furrula sedría el de ivan o'l fotolog de lagu.

Y agora tres blogs n'asturianu : Como ya dixi enantes nun soi muncho de l.leer blogs, ya estes altures de meme nun se a quién poner, asína que anque, nun seyan blogs n'asturianu, si son blogs d'asturianos, y creyo que por esta vegada podrán escribir na nuesa l.lingua :

Historia de Ujoven : Hestories de la nuesa ex-asociacion xuvenil n'uxo, que bien lo teníemos pasao ....

Igayoso's life : Un geek, un crack, un col.laciu ...

Garbatos, letras y poco mas : Arte y diseñu 3d, semeyes y poemes , como'l mesmu se define : mineru y poeta.

garabatos, letras y poco más

Lagu

Torno güei al blog pa alcordame del mio col.laciu Lagu. Si esi ñarru que nun pase del metru y mediu, esi qu'el so deporte ñacional ye cortexar camareres, esi ...

Ta'n Paris dende va ya dos meses, ehí trabayando o eso diz el.li.

Na neñu, prestome asgaya la semeya nel to fotolog, que t'alcuerdes asina.

engëyamonos bien ceu, la parriel.la ta ehi al l.lau.

Los tos güeyos prietos

Fae cuasi dos meses que nun escribía nada perequí, nun teo ganes, ya si agora escribo ye mas que na por nun dar por pesl.láu el blog anque fora temporal, nun sabía que poner, asína que subo isti poema que tenía escaecíu per dalgún rincón, voi titulalu "Los tos güeyos prietos" :

Febles miráes tremanense nel olvidu como denyuri asocedies,

ya vegaes tornen, como rellumos d'otres vides

Pero yo caltengo la imaxen de los tos güeyos prietos,

nun escaezco el refundiu qu'había n'ellos.

Tardes de lluces, nueches de llunes, díis de soles,

istantes furtivos, de miráes cruciaes.

Y non tan lloñe un coral fechu piedra, que falta nel to pechu.

Ú dibes dir? Ú fuxíes? Sele, acallantada.

Equí aguardé, con les mios esperancies, con los tos secretos,

ya nun aportó de ti, más que un susurru llonxanu.

Ya nun escaezco, que yeren tardes de lluces, nueches de llunes, díis de soles,

istantes furtivos, de miráes cruciaes.

Neruda

Colé güei del trabayu ensín ganes de dir pa casa, asina que fui a dar una rodia al centru de Madrí, paseucu por Gran Vía, baxar pola Montera ya equí nuna caleyuca güeyé una l.librería que nun viéra enantes, l.libros de segunda man per baratos, merqué tres l.libros per 5 euros, "el coronel no tiene quien le escriba" de García Marquez, "La metamorfosis" de Kafka, ya lo cabero "20 poemas de amor y una cancion desesperada" de Neruda.

Los que l.leeis davezu isti blog sabeis que prestame la poesía, asina que equí voy con un poema de neruda, déxolu en castiel.lan, nun podría ser d'otra manera :


Puedo escribir los versos más tristes esta noche.

Escribir, por ejemplo: "La noche está estrellada,
y tiritan, azules, los astros, a los lejos"

El viento de la noche gira en el cielo y canta.

Puedo escribir los versos más tristes esta noche.
Yo la quise, y a veces ella también me quiso.

En las noches como ésta la tuve entre mis brazos.
¡La besé tantas veces bajo el cielo infinito!

Ella me quiso, a veces yo también la quería.
¡Como no haber amado sus grandes ojos fijos!

Puedo escribir los versos más tristes esta noche.
Pensar que no la tengo. Sentir que la he perdido.

Oír la noche inmensa, más inmensa sin ella.
Y el verso cae al alma como al pasto el rocío.

Qué importa que mi amor no pudiera guardarla.
La noche está estrelada y ella no está conmigo.

Eso es todo. A lo lejos alguien canta. A lo lejos.
Mi alma no se contenta con haberla perdido.

Como para acercarla mi mirada la busca.
Mi corazón la busca, y ella no está conmigo.

La misma noche que hace blanquear los mismos árboles.
Nosotros, los de entonces, ya no somos los mismos.

Ya no la quiero, es cierto, ¡pero cuanto la quise!
Mi voz buscaba el viento para tocar su oído.

De otro. Será de otro. Como antes fue de mis besos.
Su voz, su cuerpo claro. Sus ojos infinitos.

Ya no la quiero, es cierto, pero tal vez la quiero.
es tan corto el amor, y es tan largo el olvido.

Porque en las noches como ésta, la tuve entre mis brazos,
mi alma no se contenta con haberla perdido.

Aunque éste sea el útimo dolor que ella me causa,
y éstos sean los últimos versos que yo le escribo.

Exiptu

Acabo tornar va unos díes d'Exiptu, foron unes vacancies perguapes y pernecesitáes. D'Exiptu hai abondo que dicir, pero nun finaría denyuri de escribir. Ye un llugar al que tola xente debería dir polo menos una vegada na so vida.

Sable calecío

arume a polvu nel aire

y'una carretera ensín fin.

Milenta d'años de suaños

Milenta d'alcordances escaecíes

y'un ríu xigante ensín fin.

¿Cuántu tiempu podrás caltener

isti tiempu paráu?

Cais feches llamuerga

Xente tresmanada nel olvidu

ya siempre nel to xeitu

siempre una sorisa ensín fin.

Abú simbel - Esna (Exiptu)16/12/2006- 17/12/2006

Nuéu Poema

Nuéu poema, esta vegada ta plumiada nel trabayu, demientres escuchaba el canciu de MAD WORLD de GARY JULES, canciu perguapu.

Tu que camines penriba les brases,
Tu escaeces.
Yo que caltengo les esperancies,
Yo suaño.
Tu que nun dexes intautes les alcordances,
Tu camudes.
Yo que nun que soi quién a resigname,
Yo alguardo

Madrí 07/12/2006
Nun ye oru too lo relluma, nin tolos caminantes anden tresmanáos.

Llei de Promoción y usu del asturianu del añu 1998

Agora que ta tan de moda too esto de los estatutos, que si'l famosu catalán, va poco l'andaluz y dalgunu mas que anda perende ya con la moviduca que tuvimos va poco tiempu n'asturies que unos decién n'esta lexislatura, los otros que no que n'esta non, ya davezu siempre cola pantasma de la oficialidá pente metanes descubrí güei del.les coses sobre l'autual Llei de Promoción y usu del asturianu del añu 1998, que nel autual estatutu d'autonimía d'asturies, la verdá que nunca non tenía l.leí naida del mesmu, y güei nesti blog pescancieme d'esto :

«Asegurar el so llibre usu y la non discriminación de los ciudadanos por esti motivu» (Cap. 1, Art. 3, puntu d)

«Tolos ciudadanos tienen drechu a emplegar el bable/asturianu y a espresase nél, de pallabra y per escrito» (Cap. 2, Art. 1)

«Tendráse por válido a tolos efeutos l'usu del bable/asturianu nes comunicaciones orales o escrites de los ciudadanos col Principáu d'Asturies» (Cap. 2, Art. 2)

«El Principáu d'Asturies afalará la conocencia del bable/asturianu per parte de tolos emplegaos públicos que desenvuelvan el so llabor n'Asturies; la conocencia del bable/asturianu podrá valorase nes oposiciones y concursos convocaos pol Principáu d'Asturies, cuando'l calter del puestu de trabayu y la naturaleza de les funciones que vaigan a desenvolvese lo precisen» (Cap. 2, Art. 3)

¿Nun queda pernidio que´l autual gobiernu pasase esto pol forru los coyones?.

Si nun pescancié mal, yo toi en tol mio drechu en falar o escribir na l.ligua en cualesquier momentu o sitiu ya por ello nun puén en faceme denguna discriminación repeutu a un castiel.lanu falente.

¿que camentais vosostros al respeutu? ¿Qué opinión morezvos el tener conociencia d'esto?

Equí esperaré les vueses opiniones.

Guëyamonos Nos Chigres

Toi vivu

Fae mas d'un mes que nun escriballaba un res, y non nun toi muertu, comu falen en radio sele, esti muertu ta mui vivu, solo que toi en plan manguán, vagu, sin ganes de facer coses.

Esta selmana, ye la mas asturiana dende que aporte a madrí, entamó a facer cutu, ya va del.los díis que l.lueve.

Nun tengo muncho mas que cuntiar, solo que aguardo que nun pase munchu mas tiempu fasta que torne perequí. Ta l.lueu, Güeyamonos nos chigres!!!

Güei pesllé el mio coral ya despesllé la mio amirar

Güei nun ye un bon díi, güei toi un puquiñín señaldosu, ya voi facer daqué que nun se si tornaré a facer, a vegaes, de xemes en cuandu ya si'l díi ye afayaízu dame la ventolera ya escribayo.

Güei voi poner unos versos que fice va unos díis nel metro y nun recibu de los 100 montaditos :

Nuechi prieta nes mios coraes,

pal.labres muertes denyuri falaes,

risca l'aire na mio soledá,

risca, risca ensín finar

fasta lo mas fondu del mio coral,

qu'ayeri foi lo qu'amañá sedrá.

Madrí 19/09/2006

Discursu de darréu nel díi d'Asturies

INTERVENCIÓN DE DARRÉU NEL DÍA LA NACIÓN ASTURIANA 2006

Marcos Menéndez
Güei, ye ocho de setiembre ye´l díi nel que los asturianos cellebramos el nuesu díi de la nación. Ye nidio qu´inda nun tamos pa cellebrar ná, tal comu diz el cartelu “YE HORA DE GÜEYAR POR ASTURIES” y pa eso tamos nós, la xente mozo de Darréu y la xente dalgo menos mozo d´Andecha Astur, tamos pa eso y pa puxar pa qu´el pueblu trabayaor asturianu; qu´abondes vegaes llevantóse, nel so tiempu na hestoria, escontra l´españolismu xabaz qu´intentó desaniciar la nuesa concenxa nacional arrebatándomos de les manes la soberanía que comu pueblu mos cuerrespón por drechu; porque esto nun ye hestoria pasá, NON; nós tenemos de siguir na Asturies de güei.

Tos sabemos dafechu, cuáles son les coses que l´estáu español ta faciendo pa desaniciar el nuesu país, entamando polo que ta faciendo cola xente mozo d´Asturies espardiéndola per tol estáu ya finando con la predemocracia constante que sofre´l nuesu pueblu. Agora l´estáu español tien otres xeres coles qu´intenta desfacer la llucha que caltién Asturies escontra la opresión y la tiranía del reinu, que nun ye más qu´el nomáu “asturianismu” y digo que ye una artimaña del estáu español porque ye otra forma de ser español ya güeyar polos intereses de Madrid y siguir dando-y la espalda al nuesu pueblu, a la nuesa nación. Equí n´Asturies nun somos “asturianistes” nin munchu menos, NON y dígolo bien alto ya nidio NON; equí n´Asturies somos asturianos, asturianos que naguamos por llibramos del gran llastre que tenemos enriba´l llombu, que ye la idega d´españa.

Entós si falamos del papel que tien de facer una bona organización político comu ye Andecha y les sos mocedaes nes que milito ye lluchar pola nuesa nación, y non solu comu organización sinón caún de nós, asina comu diz el cartelu, lo que tenemos de facer ye “LLUCHAR POLA TO NACIÓN” que nun ye otra qu´Asturies; entamando por camudar la concexa d´ún mesmu, dexando nidio que somos parte de daqué muncho más grande que nun ta furrulando comu tien de furrular, si entamamos dende ehí llueu vien la llucha por camudar les inxusticies sociales ya nacionales nel to barriu, conceyu y no más cimero, na nuesa patria constituyía pol nuesu pueblu, POL NUESU PUEBLU TRABAYADOR.

Pero bono esto dizse mui fácil, lo difícil ye caltener la llucha díi tres díi ensin esmolecese; asina comu Andecha que con problemes, pues si a lo meyor munchos, pero lleva 16 años falando nidio, falando nidio ya ensin cayer en falses lluches ya falses pallabres comu cayen dalgún partíu políticu virtual rexíu por unes postures autonomistes ya socialmente moderaes que tos conocemos. Lo fácil ye eso, rentabilizar en votos una llucha inesistente; pues la llucha na qu'ellos quieren ponese les medayes nun ye otra que la que desendolcamos tolos díis n´Andecha y en Darréu. Yo ya muncha xente comu yo, camienta qu´estos partíos ensin Andecha Astur, que ye la braera xunidá del nacionalismu d´esquierda, nun esistiríen. Nun esistiríen porque yá aportaríen al so oxetivu cimeru, finar con Asturies ya convertilo n´Albacete. Home too esto, ensin falar del enxendru d´IZQUIERDA UNIDA (Bloque por Asturies) bono, que yo sepa ye eso na más non; el nome… Porque ya tol mundu tien nidio que ye, otru nome d´IZQUIERDA UNIDA p'aprovechase nes elleiciones de les lluches d´otros y bono, dir un poco d´asturianistes.

Güeyái, fai unos díis dando una vuelta per Llangréu ya güeyando los escaparates de les tiendes, llamóme l'antención unos cartelos, yeren del Bloque por Asturies y falaben del díi de la nación asturiana; asina a primera vista esmolecíme… Porque bah… nun ye prestoso ver cartelos perehí del enxendru esti; pero llueu entamé a camentar ya aporté a la conclusión que si esos cartelos tan nes tiendes y a la xente nun-y escandaliza ver que se fala de díi de la nación asturiana nun ye gracies al Bloque por Asturies; ye gracies a nós. Si la xente ta avezá a qu´Asturies llámese como se merez, a qu´Asturies nómese nación ye gracies a tol trabayu desendolcáu dende fai 16 años por Andecha Astur.

Ye por ello que nun debemos cuntabilizar los nuesos llogros en votos, y dexamos llevar por un posibilismu canceríxenu p´Asturies; ye por eso porque camentamos que ye primero creyar un texíu social asturianu, una concenxa nacional nel que te la mocedá; nel que temos nós. Nel qu´el so principal cabezaleru seya´l pueblu; ya non comu n´esta democracia, ente comílles, nós naguamos porque´l propiu pueblu trabayador asturianu créyase qu´esti trabayu nun ye de llocos, que decidir el so destín nun ye cosa d´una clas política aburguesá ya españolizá; sinón que ye´l so deber y el so drechu. Y non comu anguañu que ye dir ca cuatro años a llanzar un papelín a una caxa tresparente ya llueu aplaudir al nueu fartón que rise de nós; yo eso nun lo quiero p´Asturies, yo eso dientro unos años nun lo quiero pa´l mio fíu; lo que quiero ye una braera soberanía p´Asturies; una braera soberanía n´asturies que mos faiga caleyar haza´l nuesu propiu socialismu.

Nel momentu que tos o una bona parte del pueblu asturianu tea nidio esto, entós si yá tamos falando d´otru sen; entós llucharemos por tener fuercia na Xunta Xeneral o onde´l nuesu pueblu tea mester de nós, pero non pa rentabilizar votos, mos aplaudan enriba la cutrona o pa dexar les coses comu tan; NON. Ye pa caleyar díi tres díi p´algamar una soberanía y una democracia que se mos fai imprescindible. Pero lo que nun podemos facer ye saltamos esi pasu, esi pasu intermediu que tratase de facer una concenxa social ya nacional n´Asturies.

Y esto de facer concenxa nun ye dalgo raro o ensin xaciu; ye dalgo que lleva faciendo Andecha dende lloñe y ye dalgo que Darréu ta faciendo; y se ta faciendo con ca manisfestamientu que sofitamos, con ca revista que con gran esfuerciu algamamos sacar, con ca actu, espichona o conciertu que facemos. Tamos mostrándomos a la xente mozo asturiano comu´n referente na llucha social ya nacional; creyando un movimientu xuvenil asturianu, fuerte ya combativu n´Asturies.

Yá pa dir piesllando la mio intervención, pido a esta xente qu´entamó esti díi de la nación asturiana, a tola xente que ta equí con nós, a la xente d´Andecha Astur, a la xuventú de Darréu y tolos asturianos en xeneral; nun finar la llucha… y nunca esmolecese porque per onde dixe, creyando concenxa, vamos por bon camín; por ehí si que güeyamos pola nuesa nación.

¡¡¡ Puxa Asturies roxa y llibre !!!

Díi D'Asturies

Facia ya dalgunos díis que nu escribayaba ni un res nel blog, pero güei díi d'asturies torno al blog, nun porque tenga grandes coses que dicir, sinon por que los davezu l.leeis isti blog sois del mio pais, y güi ye tamién ye'l vuesu díi, asína que güei pruyo que tengais un bon ya aligüeñu díi, ya los que teis n'asturies celebreislo por los que tamos fora trabayando.

Engüeyamonos nos chigres!!!!

Otra Vegada Solu

Esti fin de selmana, voi tar solu otra vegada en madrí. La verdá tengo un pocu de l.lercia, per un l.laucamiento que va sentame perbien, tar solín camentando nes mios coses, relaxau. per otru l.lau tengo l.lercia conozcome y se que tantu tiempu solu voi cruciar. Empicipiaré a cruciar y finaré mui rucáu.

Nun tengo dengún plan n'especial, l.limpiaré, veré pelicules, o incluso diré a mecar dalguna. Ya vos contaré ...

Ya suaño, ya torno a suañar, ya denyure te pueo escaecer.

Xente Escaecida

Estes vacancies cuasi nun tuvi cola familia, pero el pocu tiempu que tuvi valiome pa dame cuntia d'una cosa. Cuanta xente escaecemos pol camín ...

Too me vino a la tiestera na cena que tolos años facemos pal cumpleaños del mio hermanu, elli oyendo falar a mio tia de col.lacios del colexu y de xente d'uxo nun s'alcordaba de munchos, amestaba unos con otros y coses asina.

Dempués d'esto diome por camentar a mi sobro el.l0 y pescancieme de tola xente que pocu a pocu voi tresmanando'l contautu.

Xente del colexu que vive a malpenes 100 metros, xente que coló p'otros l.lugares, xente del istitutu, de los equipos de fúbol, de los modulos d'informática, col.lacios de col.lacios coos que salíes munches vegaes, la l.lista pues ser de milenta persones.

Nun camentáis denture n'esto?? que sedrá de mario(alicante), miguel(candás), lidia y sandra (uxo), los del caudal, fer, guille, velas .... (benedicto), etc , por nomar dalgunos.

A vegaes camento si podrá asocedeme comu a mio tia, y que dientru de 35 o 40 años te nuna cena falando de que sedría de lagu, michel, hector, santo, carmen, oski, coto, gayo, ferre, ale, angela, elena, floppy, valle, isidro ....... etc

Veo l'exemplu de Piri, coló fae cuasi 3 años pa uviéu y dende entóncenes nun se sabe malpenes d'el.li. Yo nun quiero que asoceda eso, pero na vida denyure se sabe ...

A los mios col.lacios 23/08/2006

Asturies

Equí toi esta nuechi, ascuchando un canciu de "Tiza", con suañu pero sin ganes de chame nel estru, l.leendo nos foros de www.asturies.com, y camentando que les el.leiciones tan cá vegada mas cerque, ¿Que asocederá?,¿Habrá un cambiu na opinión de la xente con respeutu les caberes?.

yo pola mio parte, creyo que la xestión que fizo el partíu cabezaleru dela xunta (PSOE) foi permala, cosa que paez que va siguir faciendo si torna a calandrar. Isti tabe nel gobiernu nun pautu con IX, no que yera una forcia d'esquierdes (na teoria), yo espraba mas de IX tando nel gobiernu, pero pemeque que nel momentu de la verdá acomodose nel poder y nun fizo mas que l.lambe-y les ñalgues al PSOE,perahí endaben metios tamien los de BA, estos pemeque foron un pocu mas que IX pero pocu, tuvieron asemeyaos.

Taben nel gobiernu, el PSOE nun podie sacar p'alantre denguna l.lei sin l'aida de IX-BA, sin embargu estos nun desixieron denguna cosa de les segun el.los defendien por mor a qu'el PSOE frañera el pautu y el.los salieren del gobiernu. Pa mio mui pocos Güevos, nesta mesma situacion ERC sacaríe petróleu(viva catalunya, l'exemplu a siguir pol restu, que güevazos tienen).

El PP na so l.linia, na oposicion, na que falar de el.los.

¿Que-y espera asturies?, creyo que la cosa ta per h.odía, yo tengo dos esperances :

1- Que IX algame mas escaños, y nesi momentu vease con forcía che-y coyones y tira pol nuesu pais.

2- Que salga una forcía nacionaliega que algame dalgún escañu, y qu'esto seya el entamu de un futuru nacionaliego a seyanza de los que hai en catalunya, galiza o Euskalerría.

Cualesquier de les 2 prestaríenme, yo metantu seguiré camentando que fadré col mio votu, suenen rumores de una dable mestadura ente los partios nacionaliegos d'esquierdes, comu puen ser IAS, los verdes o AA, si esto fora verdá podría ser dalgo perbono, ya que que creyo que hai un sentimientu creciente ente la xente mozo, que podría ser partidariu de esta mestadura.

Espero que la situacion de güei, paro, emigración, etc, faga que medre esi sentimientu de cambiu que noto na mocedá. ¿Y TU QUE VAS FACER? -> FAE LO QUE EN GANA!!!

PER UNA ASTURIES L.LIBRE, PER UNA L.LINGUA OFICIAL. PUXA ASTURIES DIXEBRA!!!

El PP na so l.linía na oposicion

Venturil.la nos Madriles

Isti caberu fin de selmana nun tuvo mal del too, el sabadu tuve na Warner ta per guapu el parque, pa eso fadré un post un díi d'estos, el de güei ye pola venturil.la que tuvimos ayeri Coto y yo.

Comu abondo domingos, camentemos no xintar pela nuechi en casa, asína que foimos al Donër Kebap que tenemos xustu'l l.lau. Xintemos bien comu de cutio nesti sitiu. Ya'l tornar pa nuesa ca, xusto escontra l'estragal Ivan pescanciase de que nun habia sacao les l.laves de madrí, sinón les de Uxo.

Nun sabíamos que facer, asína que l.lamamos al Xuan de la que dibemos a buscar la comisaría, qu'el nuesu vecín "Franco" dixonos ú tabe, pero la comisaría nun aprució ya l.lamamos a Xuan, la nuesa esperanza, ta de vacancies, pero comu naide sabé ú ta, podia dase el casu que tuviere en madrí, pero non, nun taba ¿ú tará Xuan?(bono eso merez otru post).

l.lamemos al numberu d'información de Telefónica pa pidir el numberu de un cerraxeru, nesi momentu l.lamonos El Gayo, pa ver que nos habia pasao. Dixmos-y que intentara ponese en contautu con Revu pa ver si tornaba pa madrí, Mientres tantu nosotros l.lamabemos al cerraxeru.

De revu nun habia noticies, y le cerraxeru nun aportaba, finalmente aportó, abrió la porta con un plasticu, que cenciello apaicionos, y revu taba pa francia, 140€ pero tabemos en casina.

Venturil.les comu estes son les faen la vida alagüena.

De nuéu en Madrí

Equí toi de nuéu en madrí, l.legué el martes de nuechi, y fui diréutu pal sofá, el.li tuve falando colos mios col.lacios del pisu Coto ya Xuan, falando de les vacancies ya de lo que el.los ficieron un puquiñín tamién se faló.

El miercoles esconsoñe ceo, colé a trabayar, al aportar a Pío yera aína, asina que fui pal Starbucks almorzar un café, alcordeme de ti gayo!!!

Nel trabayu bien, de nuéu colos col.lacios, chabalo de menos, el xinta'l menú nel asturianu d'al l.lau'l trabayu, con muncha folgancia ensín trabayar enforma finó la xera, pa casina y al sofá.

Güei más de lo mesmu, esín priesa per trabayar. Ya agora aquí toi plumiando, (engüeyando y falando, Se lagu) esti post. Nun tengo na mas que cuntar, si oh!! el xuegu esti que tamos equi xugando agora de les canciones crack, ya vos contare ...

Taba chando una güeyá pela blogopedia, ya topeme conel blog de la que paez ser una paisanina nuesa, una asturinina, Corsaria, el.lí tenía puestu el resultau de un test pa saber que hardware yes, fizome gracia, asina que fice el test, según eso yo soi :

Eqí dexovos l'enlaz a esa fueya, ¿que hardware sedréis vosotros?

Israel Gayoso Perez alias IGAYOSO

Bueno Aqui estoy a la 1 de la mañana en casa y sin poder dormir,no por que no este cansado que lo estoy fisica y mentalmente, sino por que desde hace dias me cuesta dormir, sera por que cada vez que cierro los ojos tengo pesadillas, aunque ahora las tenga tambien despierto.

Asi que en vez de seguir contando la mierda que cuento los ultimos dias, creo que voy a cambiar un poco en este post, y voy a hacer algo que me apetecia hace mucho, Israel gayoso, el gayo, es uno de mis mejores amigos y una de las mejores personas que conozco, hemos pasado mucho juntos, encuentros por ujo,modulo de informatica, viajes como el de benidorm,vancouver o miami ,la empresa que tuvimos junto con Xuan, y finalmente venimos de la mano juntitos a madrid, y ahora compartimos pisito.

Gayo como muchos o todos sabeis tiene su blog http://www.igayoso.net/blog dentro del cual empezo una serie de entrevistas, yo he tenido el placer de ser hace un par de meses la numero 4 y ultima por el momento, así pues me apetecía hacerle una entrevista a el.

voy a hacer la entrevista a su estilo, yo pondre las preguntas y el me contestara en los comentarios.

*Un sueño
*¿Como ves tu futuro en un plazo de 4/5 años?
*Un viaje
*¿Como empezaste en la informatica?
*¿Cual piensas que sera el futuro internet?
*Un sitio para vivir
*¿Cuales son tu grupo y cancion favoritos?
*¿Echas de menos la musica (13p)?Cuentanos algo de tu epoca de DJ
*Siempre nos pides que como ultima contestacion te describamos, asi que creo que ahora te lo debo de pedir yo a ti. DESCRIBETE :

espero tus respuestas