Nuéu Proyéutu

diba ayeri caminando pela cai de camin a mio cá, dando-y volties a la testera, cuandu l.legome la idega d'un nuéu proyéutu nun se si nomalu asina "proyeútu", porque rialmente nun tendríe esa categoria, mas bien ye una chorrada que me prestarie faer agora al entamar el nuéu añu.

Asina que pediríavos a los puquiñinos que me l.leeis me chareis una man.

Pídovos pongais nos comentarios del post una o dos entrugues que me fadríais.

sin mas ... engüeyamonos nos chigres!!!

vacancies

Non, non entamo unes nueves vacancies, sinon que les fino. Dempues de 15 díis pel pueblu con retiru incuyiu en candas, amañá yorno pa madrí, la verdá con ganes renovaes.

De les vacancies saco en claro, lo muncho que se descansa n¡uxo, descanses tanto que fasta te canses de nun faer na, y por supuestu que la gastronomia asturiana a niveles desorbitaos me satura el cuerpu, nun se como la xente aguanta 15 díis xintando de esta mena, equi nun comes, non, te cebas, que si fabe y pote con compangu, tol dia col xamon, el chorizu, los callos, el cachopo, el coneyu ... paez que nun esiste otra que la carne .... pero bono ya torno a madrí y entamaré de nuéu a lo verdí, comu diríe talía : Operación FOCA

Ya confirmao que torno p'asturies en nochebona ...

bono nun se cuandu tornare a autualizar, ye lo que tien tar folgau ...

engüeyamonos nos chigres!!!

Decisiones

Esta cabera selmana ta siendo una selmana permala, ta siendo una selmana de decisiones complicaes ... ¿Por que les coses nun prodríen ser mas cenciel.les?

Bono los davezu l.leis el blog ya teneis sapiencia de como soy, en pal.labres nidies "Un cruzáu", teo dos problemas que por dixebráo pudieren paecer talmente estremáos, pero amestaos ya'n una testera como la mía faen xuntanza pa ser caoticos.

El primeru ye qu'entamo a da-y milenta volties a too, pasamé daqué ya darréu entamo a cabilar, a camentar, ya'n run-run contino entama a martiel.leame per dientru.

El segundu segundu como ya dixi, ye talmente estremáu ya ye consecuecia del primeru, y ye que de sopitu tórnome emprevisible e impulsivu, ya ye que cuandu nel primer casu entamo a cruciar l.lega un intre nel cuasi que me veo superáu ya la fin fino faciendo coses que nun debería.

Si a too eso axuntamos-y que soy un testarudu ya un tercu, por pue faer de mio una combinación como ya dixi emprevisible e inestable.

Que pasa con esto ... pues que estes decisiones que tomo cuasi que siempre acaben siendo les menos acertaes ya cuandu m'arrepiento d'el.les ye tardi, cuandu m'arrepiento d'el.les nun esiste torna posible ya solo me queda coyer la responsabilidá de los mios actos, y seguir tomando deciones que mas al.la de iguar naida, solo faen que empeoralo mas.

Conclusion, mala selmana, decisiones y actuaciones erronies, otres feches que intuyo tamién lo sedrán, ya la pescadiel.la que se muerde la cola.

¿Por que les coses nun prodríen ser mas cenciel.les?

Cuenca (ya nun la minera)

Bono isti fin de selmana que t'acabante d'aportar, el comandu asmahouse colaremos cuasi qu'en comuña pa cuenca.

el tema foi asina, coto y'l menda el l.lunes fartos de too na ca de nueso, afandaos con ganes de colar de madrí, entamemos a engüeyar vuelos pa dir ú fuere, pero la cosa taba pernidia, mui pocos díis pal finde, yera perabogoso atopar daqué rialmente B(ono)G(uapo)B(arato).

cambiu de planes : ya nun teniemos que guetar vuelos, quedabamosnos n'españa, pero ¿Ú?, la primer opción elexída foi Granada, que l.luéu por temas personales dasaniciemos al ratín, la segunda el.leición foi sevilla, y ya foi en firme, taba escoyía. entamemos nesi intre'l siguiente pasu, atopar aloxamientu, ya ehí foi cuandu tuvimos de refugar sevilla, isti fin de selmana ye la feria'l caballu y taba to perl.leno, nun hay res ú dormir.

Asina pues teniemos que alcontrar dalgún otru destín, ehí aprució la tercer opción Cuenca, teníalo too, dengunu de los dos la visitare enantes, ta rel.lativamente cerca de madrí, tien coses que paecen perguapes, y nun ye na caro.

Dempues de tener decidiu el destin, dimos anuncia al resto del comandu, y pasu ente pasu foron amestandose al viax.

Asina que a la fin cuasi tol comandu ta l.listu ya preparéu pa dir a ver cuenca, y como dixi nel entamu'l post, nun la nuesa minera!!!

engüeyamonos nos chigres!!!

EL GUETU DE RETRUYÉS

Poema estrayíu de la páxina de xulio concepción, isti home ya foi'l mio profesor nel istitutu La Pola, mereceria un post solo pa el.li.

EL GUETU DE RETRUYÉS

Alfredo García Dóriga (¿1890?)

Un mocecu en Retruyés
con un pelu mató un guetu
que chambía en un zapicu
cheno de chichi moi güenu.

Un pirru chadró á la chuna
pa contar isti sucesu.
Regolvuse el chugarín;
prendieron al rapacecu.

Y Uxo, Casares y Ubriendes
formanon Ayuntamiento;
el cura de Carabanzu
fixo un sermón com' un templu

Y un abogao de la Pola
imprentó del casu versus.
(Dióse á los imprentaores
miel, mantega y mediu xetu).

Foy á Chena la custión,
y entamóse allí un gran pleitu,
que en la Audencia sentencianon
los alguacilles más vieyus.

Que dixenon: «Nunca peguen
los niños á ningún guetu.
Y el chugar de Retruyés
non tenga pirrus ni pelus.

Pelus pa gatos chambiones,
pirrus pa non ser cuenterus,
y pague les costes Uxo,
y les monteres... ¡silenciu!...»

De entóncenes Retruyés
non tien zapicus nin guetu.
Y los mocecus non usen
en el chugar ningún pelu.

Ello así foy!... La xosticia
sabe n' apierta el zapetu.
Y... bastante bien falanon
los alguacilles más vieyus!
Conque... morrú la custión...
Y les monteres... ¡silenciu!! ..

hestoria d'una heroina

Ayer fui al cine a ver Les trece roses, un peli d'una hestoria rial, na que condenen entre otra xente a trece neñes, a morrer fusilaes al finar la guerra, nel añu 39, treces neñes que defendíen idegues de l.libertá, que lo único que ficieron foi tirar fueyes col testu "Menos franco y mas pan blanco" ... un peli dura y cruda como yera la vida nesa dómina.

esto me fae camentar nes milenta y milenta de voces acayantaes a lo l.largo de los años, de heroines na españa de la guerra y la postguerra.

yo teo conociencia de una hestoria, de una de eses heroines, una muyer que ñacio nel añu 24, sufrio les fuelgues obreres, vivió nel ochobre del 34 la revolución obrera na cuenca minera.

La hestoria de una neña a la que con malpenes 14 o 15 años, na domina final de la guerra, con asturies ya conquistada sintio nuna nuechi, como la guardia civil picaba na porta'l so horru, que vio como sacaron a la forcia a so pa ya'l so manu de so cá, ya de los que solo se tuvo sapiencia de los disparos que esa mesma nuechi hubo en monte ... naida mas ...

La hestoria de una neña que con 15 años recien finada la guerra, la obligaben a cantar el cara al sol, una heroina que siempre se ñegó a cantalu, y que como represalia la guardia civil daba orden bajo pena de castigo que naide la diera de xintar, una neña que aún asina siguió ñengandose a cantalu, y como represalia la rapaban la cabeza pa que toos supieran que era una "apestada de reximen" de franco, la hestoria de una neña de 15 a la que los franquistas querien dexar morrer de fame por nun cantar un canciu,y que nun morrio por que una vecina aun xugando so propia vida alimentaba coles sobres en la clandestinidá.

Güei dedico-y esti post, esti blogue a esa neña, a esa heroina, una de les cientos de miles que tuvimos na nuesa hestoria, dedico-y esti post a mio güela, la mio heroina ...!!!

Guetando'l quesu

Dende agora ya nes prósimes selmanes va aportar un tiempu de cambéos, camudamos d'añu, tendré cambéos no l.laboral, cabéos pue tamién que no personal.

Nun nunca se tien sapiencia d'anteman se se esos cambéos pues ser bonos o non, yo naguo que lo seyan ...

De toos moos lo que teo de faer ye esforciame en guetar el quesu, ¿y que ye eso de la gueta'l quesu entrugaréisvos daquienes??

Pos nel viax de les vacancies que fine va ná, atopeme n'esctolmu con un mozu d'Alicante, falando cuntiome sobro´n l.libru qu'el teníe l.leíu , el l.libru yera : ¿¿Quién se ha llevado mi Queso??.

Ye una historiuca bien cenciel.la, como si fuere un cuintu pa neños, nun l.laberintu viven 2 mures ya nos ñarrinos, ya los cuatro viven del quesu qu'atopen. un díi atopen la mayor bayura de quesu que na vida vieren, fasta que pasáu un tiempu va dir a xintar ya nun hai quesu, asi pues el cuintu dende esi intre desplica como ca personax del mesmu encaria la perda d'esi quesu.

Yo dende agora n'alantre, ya nuna domina non mui l.lonxana, pondremé a guetar el quesu céu.

Salú a toos.

PD 1: Se que teo el blogue mui paréu pero agora que ya toi de nuéu na rutina espero retomalu.

PD 2: Comu davezu -> Güeyamonos nos chigres

China Box Take Away

Nun fae munchu tiempu, atopeme na coyuntura de tar falando con un col.laciu de que denyuri tenía yo probao una caxa de eses que davezu tan nes pelicules, daquién despesl.la la nevera ya el.li tá, la caxa de comida de los chinos. con los sos tal.larines dientru ya saber que mas ....

Pues paez ser que equi eso ye daqué normal, ya dacuandu apaez na cai un establecimientu que equi noman Take away, hailos varios, tai, asian, kebap. pero los que mas los China box, home tampoco ye que ten en toes les esquines, pero habelos hailos, yo descubrilos en malmo, nel famosu triangenl, y agora tamien en copenhague. por 30 kr (1€ = 7.5 kr aprox) chente nuna caxa de carton 3 ingredientes a elexir pente los que hai, davezu son arroz, tal.larines, y fritos varios, al cambiu son 4€ nun ta mal.

Montamos unu'n Madrí?

Solo fuisti tu

Un poema pequnín d'esos que dacuandu salenme :

Ú colasti y me dexasti n'esti requexu?
Solu, desdexáu al debalu ya sin dengún destín.
Perdíu nel tiempu, naquel intre.

Colasti l.lone, acal.lantada ...

Fuisti l'estoyu nel que afayé'l mio toyu
Fuisti'l tiempu paráu nel que nun quise medrar
Fuisti ... solo fuisti tu.

Uxo

El latín vulgar ¯OSTIUM o ¯USTIUM 'entrada, abertura' (EM) pervive entre nosotros gracias a formaciones con sufijo que se detecta en *ANTE OSTIANUM > anto xanu, con la variante femenina antoxana 'los terrenos que están ante la casa o puerta'. Se perpetúa también en un derivado nomina lizado de OSTI¯ARIAM 'portera' (EM) —> uxera 'portilla'25.

En toponimia parece que se viene repitiendo que ¯USTIUM (por OSTIUM) podría explicar Uxo (Mi)26 con lo que se aludi ría a la entrada natural del valle.

Sin embargo, no deja de resultar sugerente que se considere la posibilidad de hacer partir el nombre de este pueblo de un antropónimo URSUS (Solin) o URS(U)LUS dado que Gaio Sulpicio Ursulo es un ástur, prefectus symmachiariorum asturum, al que Roma le reconoce sus méritos militares en una estela del s. II aparecida precisamente en Uxo (268 p. 90)27.

En este sentido es motivador presentarlo como posible posesor de la tierra después de haber actuado en las guerras imperiales de Roma y regresar a su país licenciado28.

Las grafías con "u-" y con "o-" tónicas, si quisiéramos hacerlas equivalentes a su valor actual, no estarían sino manifestando una posible alternancia fónica en una zona donde todavía se constata en la actualidad la metafonía vocálica por -u.

Receta Nº 2 Brenza Guisada con Arbeyos y tomate

Güei torno a les recetes, esta foi la cena d'ayeri ya de güei tamién :

Brenza Guisada con Arbeyos y tomate

Ingredientes : (Pa dos persones)

• 350 Gramos de Brenza pa guisar
• 1 cebolla
• 2 Tomates
• 2 l.lates d'arbeyos
• Oliu
  
• Sal
• Un vasin de vinu blancu
  

Preparación :

Curtiamos la cebolla abondo pequeno, chamos nuna pota un bon chorru d'oliu ya calecemoslo a fueu mediu, chamos la cebolla y baxamos un pelin el fuéu, dexamos que se vaya faciendo ya soltiando'l so xugu.

Cuandu la cebela tea cuasi apuntu de tar chamos la brenza curtiada'n trozos, vamos moviendolo to xunto pa que nun se mos apiegue, cuandu viamos que la brenza ya nun se mos va apiegar, dexamos que entame a cocer to xunto col xugu que foi soltiando la cebolla, dexamoslo 15 minutinos a fueu non mui forte. Demientres vamos trociando los tomates en cachinos de tamañu mediu.

Una vegada pasen esos 15 minutos chamos el tomate tociau, ya entamamos a aurricar un minutin, cuandu viamos qu'el tomate entama a soltar xugu tamién, atapamoslo y dexamos que siga cociendo to xunto otros 10/15 minutinos.

L.luéu d'esto chamos los arbeyos y'l vasin pequenu de vinu, tornamos a aurricar un minutin pa que s'ameste too, tornamos a atapar, y dexamos cociendo. Amestamos dacuandu ya dexamos de cocer cuandu la carne tea al nuesu gustu, en principiu con otro 15 minutos comu masimu sedrien abondo.

Aparte de too esto, hai que chay sal, esto dexolo al gustu de caún, ya que ye algo mui personal, yo comu nun soy mui salerosu, hai del.les vegaes que fasta escaezco de char.

Qu'aproveche a toos ya Xintar.

Engüeyamonos nos chigres ... ya sabeis comu davezu!!!

Eses caxigalines de la vida ...

Eses son les que la faen rialmente emportante, eses coses pequenes, eses coses a les que davezu nun-y damos cuasi que denguna valienza ya a la fin son les que faen que too pegue la pena.

Que dempués de tantu tiempu, tantos años, tantos altibaxos un puea sentase a tomar una clara con un col.laciu/a ya que'l tiempu ya la distanza nun camudaren un res la relaición.

Nalar un domingu de l.luvia nes augües del cantabrico, ya sintir como les gotes de l.luvia caén sobro l'espaldar.

Sentase nun parque mientres atapece ya'l solín date de frenti.

Una bona cena en bona compañia.

Nun se tantes ya tantes coses que nun tenemos en cuentia ya que la l.larga son les valen ...

Tiza

"La voz del pop, del fado, del tango y del bolero, la de la ranchera, la balada y la pluralidad ..."

Asina definen a tiza na páxina del Buho Real, bar ú suel tocar tolos meses.

Tiza ye un de los mios artistas preferios, tien una voz perincreible, con forcia ya los mesmu pue dicise de les sos l.letres, perel.laboraes, con ritmu.

Faigo el post de güei sobro el.la, porque estos díis entame a sentila de núeu, ya alcordeme de que si los cancios sentios asina tales cual son bonos, en direutu son entavía milenta vegaes meyores, ehí ye ú se ve a tiza en tou'l so esplandior ... ya yo va ya 8 meses que nun voi a vela en direutu, teo mono ... prósimu conciertu sabadu 29 de setiembre. Fadré too lo que seya dable por dir.

Ayeri ... tuvi sopriesa y ... enfile

Dempués d'un sabadu de trabayar, esti fin de selmana tocome faer guardia, taba yo ayeri tou perru, tirau nel sofá, sin ganes de faer un res, dempués de xintar ya apuntu de entamar a apigazar, cuandu entama a sonar las puerta la mio cá y apaez el mio compañeru de pisu, cosa que nun seria d'otru mundu sinon fora porque taba en brasil ya yo esperábalu p'amañá.

Falemos de so viax, vi semeyes, la verdá que brasil que nunca foi unu de los mios destinos mas preferios, paez que ta empicipiando a l.lamame mas la atencion.
Bona traza lo que me cuntió d'esi pais.

L.lueu acercamonos al centru, a la fnac, que taba yo a la gueta de una par de películes de DVD, ya a la fin alcontreles : "Persiguiendo a Amy" ya "clerks II edicion especial", dambes de Kevin Smith.

Colamos de la fnac, ya como yera ceu entovía, camentamos tomar una caña nel O'neill, un chigre irlandes en "huertas", empezamos con una pinta, ya otra, ya otra ... a la fin enfilaos pa la nuesa cá, ye que nun tenemos remediu ....

Lo pior, la nuechi dando vueltes nel estru, ya el esconsoñar güei a l'amañá ...

Comu da vezu : Engüeyamonos nos chigres

Isabel Vargas Lizano

Chavela vargas asína conocila yo, por esi nome conozla tol mundu.

Descubrila va munchu tiempu nun vidiu de sabina "Por el boulevard de los sueños rotos", ya'l principiu nun sabia quien yera, nun pasaba de ser una estraña pa mio.

Pasu ente pasu foi decubriendo sobro el.la, pero non por que tuviere pescudiando quien yera esa muyer "del ponchu roxu", sinón porque al trasvel de coñocer coses d'otra xente que tevo relaición con el.la fui deprendiendo quién yera Chavela.

En díis comu güei, un sabadu d'agostu, trabayando ya'n Madrí, pueo dicir que youtube ye'l mio col.laciu de viax pa pasar el l'amañá lo meyor que seya dable.

Güei aporté al trabayu (y agora enl.lazo con chavela), ya punsime a guetar en youtube vidios de Chavela, que meyor que la so esgarrapetada voz, les sos tristures que-y fuxen direutamente del toyu ... encamientovos a que un díi cualesquier faigaislo ya eschucheis dalgún de los cancios comu puen ser, paloma negra, volver volver, piensa en mi, la llorona ... da lo mesmu cualesquier o dalguna .... o meyor faeis una l.lista de reproducion con toes les que vos peten, ya sintir comu se vos frañe'l coral con tantu sentimientu ....

"¿Adiós? Noo, nunca se dice adiós. Se dice: Te amo"

Cenina y fin de selmana

Bono güei tornaron lagu y david de Punta Cana, güei vamos dir a cener a Cá vero e Isra, güei vamos cellebrar el cumple de Amy anque foi el díi 7 d'agostu.

Esti fin de selmana voi quedar solín en Madrí

BAXAR

(Del llat. bassus) v. fig. Venir el periodu menstrual. || 2. fig. Descender l'home o la muyer pa practicar sexu oral col compañeru de relación.

¿baxóte?, ¿vínote'l periodu? ¿vínote l' arrieru?
baxar los roxos, metáfora pa indicar la venida del periodu.
trabayar los baxos, facer un cunnilinguus o una felatio
andar per baxo, facer un cunnilinguus o una felatio
baxar al pilón, facer un cunnilinguus

Con relación al empléu estendíu de la frase baxar los roxos, contáronme l'anécdota, de cuando depués de la guerra civil, de la dueña d'un chigre qu'andaba con un retrasu y a la qu'una amiga-y preguntó: qué, ¿baxaron los roxos? Y arrestóla la guardia civil porque pensaron que falaba de los fugaos pel monte.

SIN. comer, esfollicar, golifar, mamar.

Fonte : www.lesnoticies.com qu'a su vez lo recueye del l.libru Diccionario de la llingua y otros órganos sexuales.

Receta Nº 1 Rueldos de Pavu y Quesu enl.lenos d'ensalada de salmón

Güei entamo una temática nuéa que diré satiando pente los post, tématica sobro recetes de cocina, pa entamar, la primer receta ye lo que foi la mio cena de ayeri, que tuve esperimentando ...

Ye abondo cenciel.la y aína de faer :

Ingredientes (comu pletu completu pa 2 persones, unos 8 endolcaos)

• 8 raxes de pechuga de pavu
• 8 raxes de quesu de sandwich
• 1 raxa de Salmón afumáu
• Un par de fueyes de l.lechuga
  
• Mediu tomate
• Media l.lata maizos
• Un pizcu d'orieganu
• Un pizcu d'oliu

Preparación

Trocíamos bien piquiñino el tomate, la l.lechuga ya'l salmon, ya amosamos lo to xunto colos maizos a mou de que mos quede una ensalada.

Ponemos nuna superficie l.lisa, una raxa de pavu, enriba ponemos una de quesu.

Enriba el quesu, na parte que nos quede mas l.loñe de nos, ponemos parte de la ensalada, de móu que l'altor nun sobre pase un deú y mediu, ya sobre tamién un deú por ca l.lau del quesu, ya qu'al endocar en enl.lenu baxana n'altor y medrará n'anchor.

Agora procedemos a endolcar, siempre facia nos. una vegada endolcao, asitiamoslo nel pletu o bandexa ú vamos presentalo, siempre cola xuntura l'endolcamientu facia abaxu.

Espuvisamos l'orieganu penriba los endolcaos, ya chamos-y tamién el pizcu oliu penriba, metemos al microondes 30 segundos pa qu'el quesu apegue un puquiñin na xuntura y servimos.

Pa los que nun yos preste'l quesu, podemos suprimilu .... :P

Agora ..... A XINTAR!!!!!

Esplendor en la hierba

Davezu un aporta a la so cá, pon la televisión ya nun atopa na afayaizo que ver, si bono, dacuandu dal dalguna serie bona, pero nestos tiempos la mayoría de los programas de la tele son una basoria.

Ayeri daben una serie de eses que puen vese, "sin rastro", pero nun de los descansos, diome por faer un pelín de "zapping", y ye nesos momentos, nos que como si surxiere d'otru mundu, en contaes ocasiones apaez daqué que talmente ya de veres pega la pena.

En telemadrid, ya taben chando un clasicu del cine, una peli d'eses que merez : Esplendor en la Hierba, nun se si la teneis engüeyao, pero sinón, veila, porque ye de eses que nun te dexen indiferente. Agora enantes de dir pal estru solo m'entrugo ¿Ú tará la mio Natalie wood?

"Aunque ya nada pueda devolver la hora del esplendor en la hierba, de la gloria en las flores, no hay que afligirse. Porque la belleza siempre subsiste en el recuerdo ..."

Pedru pan

Ayeri nun se porque alcordeme que daquién (nun remebro quién foi), díxome nun va muncho, que-y daba tristura que yo camentara que me prestarie tar a los 35 como a los 25, ya la verdá que naquel momentu nun tuve naida que dicir, solo la cosa yera asina y que nel futuru ya se vería, que agora mesmu yera lo qu'había.

Pos ayeri cuando alcordeme deso pense : A min dame muncha mas tristura y ponme abondo mas murniu camentar n'esa xente que 25 ya vive como si tuviere 35, n'esa xente que solo camenta en faese ca vegada mas mayor.

Nun quiero medrar ya nun me esmolezco por el.lo, ¿ya que si teo complexu Peter Pan?

A la gueta va'l guetu,
a la gueta la gata,
ya la gata atopola,
el guetu que gueta.

Carta d'amor

Fae unos meses, pa ser esautos en enero, hubo un concursu de cartes d'amor nel conceyu de Aller, diba a presentame, escribí una, pero a la fin nun la unvié, faciendo l.limpieza atopela pol ordenador del trabayu, la carta ye la siquiente :

Ayeri ficiéronse diez años, si, diez años dende que m’escaeciste, diez años dende que colaste l.loñe de mio ya nun fui a saber namái de ti dende entóncenes, diez años dende que la mio vida cayó no fondero de la escuridá, na nuechi entenra.

Entovía remembro esos güeyos verdis comu si los tuviera delantre, mirando fixamente a los de mio, aportándome esa forcia que solo tu sabíes dame.

Entovía remembro esi pelu bermeyu, esos rizos xuguetones que al.lumabenme’l díi al esconsoñar, esa sonrisa perfeuta que me facía tremar ca parte del mio cuerpu, entovía remembro ca parte de ti.

Diez años, diez años suañando ca nuechi que dalgún díi tornarás, que la to nidia piel sedrá de mio otra vegada, que les tos peques fadránme de nuéu amuesar una sonrisa nel mio xeitu, que la mio vida colará de lo fondero d’esa escuridá ya de nuéu tornará a rel.lumar.

Del.les vegaes entrúgome si tu tamién t’alcuerdes de min, pero albidro que non … fae ya muncho que debería tener perdío la esperancia, pero equí toi escribiendo estes l.letres ya a sapiencia de que nun les voi a unviar, a sapiencia de que dirán al caxón de les mios alcordances col restu les cartes de les milenta vegaes que m’alcuerdo de ti.

L.legó’l momentu de despidime, pero non pa siempre, solo fasta que que torne a suañar contigo, solo fasta que cualesquier migaya del to recuerdu me faiga naguar, por un segundu, solo un segundu de ver los tos güeyos, goler el to pelu, besar los tos l.labios ... por solo un segundu, solo un segundu.

Madrí 09 Enero de 2007

segundu dii

Dempues desi primer dii, esconsonamos bien ceu na ca de la col.lacia de Rober en l.londres, colamos pal aeropuertu ya esta vegada ensin dengun problema conseguimos coyer l'avion.

doce hores por delantre de vuelu fasta'l Narita International Airport de Tokio eso si l'avion ye la virxen, caun con una pantal.luca plana de unes siete pulgaes, ya tenien un sistema que denyuri tenia visto, en ca pantal.la caun podie elexir l.librementi la so pelicula, tenien del.los discos de musica, mas bien abondos, xuegos e incluso podie xugase en rede con otros pasaxeros.

Asina aportamos a Tokio, nun mos lo creyiamos, ya tabamos en xapon!!!

Agora lo siguiente yera aportar a l'hostal, el problema, al aportar a tokio teniamos reserva nun hostal, pero teniemos que aportar el dii anterior, esi dii teniemos de tar en kyoto, asi que con les mesmes, coyimos el narita expres　fasta la tokio central station y dende ehi un tren tres hores fasta kioto, aportamos al hostal unes cuarenta hores dempues de colar de madri ... agora la cosa si taba fecha.

Yeran comu les dos del mediudii, posamos les maletes ya entamamos a faer turismu, osea, a caleyar y ver templos, que basicamenti que lo que hay de faer en kyoto.

L'hostal : Yera el JB hoopers, yera un hostal comu mui intimu y familiar, namai aportar ya ficimos buenes migues col personal, la moza que atendia elli yera xaponesa pero con mozu de mallorca, asina que tratonos abondo bien.

Dende Tokio ... un asturianu que-y queda bien de pocu'n xapon

El primer dii

Bono toi agora nel miu sestu dii de les vacancies, son cuasi les nueve de la nuechi, toi en kyoto. comu agora nun teo fame, ya toi duchau y teo tiempu abondo voy cuntiavos esi primer dii.

La cosa foi asina :

Esconsone bien ceu, tou nervosu yera'l domingu 17 de xunu ya colaba pa xapon, el vuelu a l.londres u tenia de faer escala colaba a les 09:55, david un de los mios col.lacios nesta venturil.la paso a buscame a les 8:45, fuimos pala T4 y too fasta el momentu perfeuto. El vuelu colo con un puquinin de retrasu pero aporto a la so hora en l.londres, en Heathrow.

Ehi entamo too, nel Reinu Xuniu tiene dalguna osesion demasia grande cola segurida, ya aun siendo de la UE tuvimos de pasar tres controles de pasaporte, unu de el.los con una filera abondo grande, eso fizonos aportar al despachu de Virgin Atlantic 45 minutos enantes de qu'el avion colara. entavia nun entamara ni el embarque, les maletes diben direutes dende madri fasta tokio, pero'l retruque de virgin foi : Tuvistis mala suerte el vuelu ta cerrau, hay que tar equi 1 hora enantes ya non 45 minutos, al dii siguiente podiemos volar pero pagando mas

Nos enfarrucaos diciendo-yos qu'el vuelu nun taba ni embarcando pero naida, si que tuvimos suerte si, pero en atopar una trabayaora de virgin que foi la unica que nos fizo casu ya cambionos el vuelu pal dii siguiente ensin pagar un res.

La cosa taba asina, tabemos en l.londres yeran como les dos ya'l vuelu yera a la una del dii siguiente, teniemos 23 hores por delantre ... pa l.londres.

Costonos aportar a l.londres pero aportamos, eso si la dulda yera, u dir a dormir? les opciones yeran tornar al aeropuertu enentes de les doce la nuechi, facese la vida por l.londres atopando una hotel u hostal baratu, o que algunu/a de los col.lacios de los diban conmigo tuvieran disponibles y nos ficieran un sitiu en cualesquier l.lau que fora.

Mientres tantu dibamos faciendo turismo, buckiham palace, nothing hill u xintemos unes pizzes ya la camera yera de Nafarroa, picadilly circus, el soho, vimos de too un poco ya a la carrera eso si, el big ben ... nun se caleyamos muncho ya vimos muncho tamien.

Mientres tantu, l.localicemos a dos col.lacies una de david nun podia abelluganos, ya que el.la vivia nun estudiu pequenu col mozu u nun coyia naide mas, eso si quedemos pa tomar unes pintes de cerveza en trafalgar square, un bar mui guapu u les pintes taben per barates solo 1,7 l.libres, non comu'l tresporte, qu'en l.londres ta carisimu, por otru l.lau rober falo con una col.lacia checa que vive en l.londres nun barriu del norte, el.la si que podia facenos un sitiu, asina que dempues de les pintes, colamos pa so ca, elli pude dormir nel suelu fasta'l dii siguiente, pero esi dii sedra otra hestoria ....

PD: Sientolo poles tildes pero n'esti teclau nun m'aclaro correutamente.


Dende kyoto un Asturianu en Xapon : ヴィ先手

japon

bono a la fin toi en xapon, teo abondo que cuntiar nel pocu tiempu que paso fasta agora, pero nun va a ser agora cuandu lo cuntie, solo escriballo isti puquinin pa dicir que toi bien, ya cuandu torne pondre equi un resumen del viax incluyia la aventura d'ayeri ... pa nun creyelo ... dexovos la intriga.

Un besu a toos .... les xaponeses tan mas xaxeraes de lo que remembraba.

Puxarra

Va ya mas de 2 años qu'aporte a Madrí, que colé del nuesu pais ya l.legué a Castiel.la, al iniciu tornaba abondo, ya a lo meyor por eso nun me pescanciaba un res de munches coses que la xente falaba quiciaves por que tabe tan fechu a el.les que yeran coses normales d'escuchar.

Agora dos años dempués, ya torno de xemes en cuandu, ya munches vegaes les coses suenenme abondo desemeyes de como yo les remembrara. Nun se si sedrá que teo el oidu mui fechu al castiel.lanu-andaluz que tol díi escucho equí.

Prestame asgaya tornar ya entamar a escuchar a mi pa como munches veces diz coses n'asturianu que enantes nun te fixabes, les ultimes vegaes sentilu decir coser como : que vas coyer, tiempu asgaya y puxarra, precisamente esi ye'l titulu del pots y por eso lu puse, por que yera una pal.labra que facia milenta nun sentía y prestome asgaya sentila mas de mio pa, foi como sentir un arguyu dentro de mio.

De los que l.leeis esti blog la mayoria sabreis que ye la puxarra pero por si dalguien nun lo sabe ...

puxarra, la.

[Lln].>

1. Poso de la bebida [Ll]. Heces espesas, posos del vino, especialmente los que se ven en el fondo de una botella [Oc]. Desechos de la manzana que se ha machacado para obtener sidra [Tb]. 2. Sidra de mala calidad [Xx]. Bebida insípida (generalmente la sidra) [Cg]. Bebida alcohólica (vino, sidra) de mala calidad [Ca. Ri]. 3. Caldo malo [Sr]. 4. Desperdicio [Ac. Ri]. Desperdicio, cosa de poco valor [Lln. Llg. Tb. Sm. Pr]: Eso ye una puxarra, comprélo ayer y yá esgonció [Llg]. Cosa de poco valor [Ri]. 5. Carbón o estériles de poca consistencia [Min]. 6. Calderilla [Llg]. 7. Conjunto de gente que no vale para nada [Ri].

El.leiciones ..... YA!!!

Bono isti fin de selmana, sedrán les el.leiciones del nuesu pais y de los conceyos, cuatro años ya, comu pasa'l tiempu ... mio má.

Abondes coses pasaron nestos cuatro años, cuasi que toes males (falando del estaú del nuesu pais), agora aporta'l momentu nel que podemos camudar les coses, teo de dicir que soi abondo cenizu (nel aspeutu de pesimista quiero dicir, nel otru tamien sedré cenizu nun digo que non ...).

Nun me prestaria más qu'el díi 27 de mayu la esquierda nacionaliega algamara un escañu, solo un escañu, eso sedría pa min reflexu de que un cambéu ye algamable, pero dixi enantes nun teo la seguranza de que esto seya posible, si qu'endilgo muncho mas dable que lu algame URAS-PAS, nun se fasta que puntu estro sedría daqué rialmente bono pal asturianismu, muncho falen del so asturianismu pero va poco un conceyal de URAS foi el que fizo que nun properara un decretu en favor del asturianu en carreño, por otru l.lau qu'el URAS algamara diputaos, pue facer qu'ell PP nun pautu con el.los che del gobiernu al PSOE, nun me prestaria un res que fora el PP el que gobernara, pero si que PSOE ya Areces tean fora.

Bono que ca ún atalante pa sigo mesmu lo que va ser meyor, yo pola mio parte teolo pernidiu, ya nun creyo que los que me conozcan tean denguna dulda al respeutu de lo que voi faer. Como dicimos nel pais ... "Ca ún ye Ca ún y k2 una piragua"

Engüeyamonos nos chigres

Uxo ....

Güei diba falar de otres coses pero l.legome güei una noticia que me fae camudar el tema.

Van bastiar los edificios ú taba allugáu l'antiguu ximnasiu, como non van facer pisos, ya yo que teo la fata idega de que n'asturies hai una perda de población, que dientro d'asturies nel nuesu conceyu esa perda ye inda mas importante, ya nun basta, non, cola mayacina, con oñon, colos pisos proyeutaos pa turón, los de nuéu santuyanu, non, non basta .... non basta colos 10000 nuevos pìsos proyeutaos pal area central d'Uviéu ...NON, van bastiar esos edificios n'Uxo, edificios ú tan agora allugaos muncha de xente mozo del pueblu, ú tienen los sos l.locales pa aconceyar, de ensayu y van desaniciar l'espaciu del "skate park", sitiu u l'añu que bien tornarien a facese les fiestes, ya non solo van bastialo too, sinón que amás nun avisen a esa xente mozo de que tienen que colar, enteranse dos díis enantes de que cumpla el plazu y por terceres persones, l.lamentable ...

Yo entugome son necesaries eses nueves cases, cuando nun va munchu tiempu nun periódicu diose una noticia na que decíase que miles (y l.langreu), teníen un parque de miles de viviendes vacies, nun m'alcuerdo del datu exautu pero yeran miles.

Asina funciona esto especulación y toos a ganar perres, alcalde, conceyales, constructores, la xente a hipotecase de por vida, y la xente mozo tirada na cai ... solo pueo dicir una cosa ..... VERGOÑA!!!!!!!!!!!

Doi dende equí el mio apoyu a la xente mozo d'Uxo que nun tendrán ú aconceyar
http://www.fotolog.com/sindromedelnorte

L'asturianu na rede

Güei quiero falar, como'l propiu nome del post diz, del l'asturianu na rede.

Páxines d'empreses, páxines personales, páxines de notícies, l'asturianu ta espoxigando nel mundu d'internet, va pasín a pasín, pero cada díi el numberu de páxines na nuesa l.lingua medra.

El gruesu de mas emportancia nesti espoxigue son les páxines personales o blogs. Yo personalmente creyo que ye perimportante que esti gruesu medre, ya a la fin estes páxines son les la xente d'a pié, son nes que se demuestra que la l.lingua pue tener una normalización na xente, que la puen emplegar na so vida diaria, y que esta l.lingua nun ta muerta, sinón mas bien a la contra, esti crecimientu asociáu a les páxines personales, ya en su mayoria a xente mozo, amuesa que la nuesa l.lingua pue l.legar a tener una relevancia muncho mas importante, si se-y dieran los medios y les oportunidaes pa el.lo.

Nun voi dicir que menos importante seyan les páxines de noticies o de les empreses, estes aporten tamién a la normalización, que un asturianu pue l.leer les nueves la so l.lingua, o que puea tar a la güeta de un l.libru o un productu na rede y puéa atopar la información n'asturianu por supuestu que aida a esa normalización, aunque al mio parecer en una menor medida que la que aporta el que cada díi mas xente lo faiga dende la so propia páxina.

La pena ye que esti crecimientu na rede nun se vea apoyáu dende otro medios de comunicación del pais, si tenemos un periódicu pero ye ca quince díes ya de la calidá del mesmu prodríen dicise munches coses. La televisión, val mas nun falar, entamen los programas n'asturianu pocos ya curtios, ya revienten l'audiencia, tienen el doble qu'el programa más vistu en castiel.lan, pero aún asina arrequexan l'asturianu nuna esquinuca, a este hai que suma-y el piesl.le de teleasturies. Na radio, hay dalguna radio como radio sele, pero manda güevos que quieran quita-y la so frecuencia d'emisión pa dasela a la RTPA creyo, na RTPA hai tamién dalgún programín, pero bono, poca cosa.

D'esto, el tema de los blogs, va falese esti fin de selmana en xixón, nes xornaes de la seronda, prestaríame dir, pero esi finde son les fiestes del mio pueblu ya la parriel.la con los col.lacios, ya taré pendiente de algún blog perehí pa ver que se faló.

Engüeyamonos nos chigres

youtube I

Nun fai falta dicir que ye youtube, a estes altures ya tol mundu sabelo de bien.

Dedico-y esti post de güei a youtube, por que nun se que sedria de min nel trabayu sinón lu tuviere.

Pondré equí ciertos videos que pa min son esenciales :

U2 -> pues ponese varios pero pondre .... ONE buffalo version

fito -> Abrazado a la tristeza en directo

quique gonzalez y enrique urquijo -> Aunque tu no lo sepas

metallica -> nothing else matters

extremo -> standby

cochita -> tres segundos

sabina -> por el bulevard de los sueños rotos

bunbury -> Canto


Bono estos son dalgunos, de xuru que hai abondos mas, de xuru que de dalgun de los grupos que punxi puen ponese mas d'un canciu ... habrá youtube II.

Meme

Dende Bilbo, camento yo que entovía anda por aquel.los lares, mandame "El trasgu d'areces" que-y siga el meme. Asína que cueyo la so inviatción :

Una Tipografía : A min prestame la Comic Sans SM, ye la que empego davezu nel msn, pero si teo de escoyer tamién voi poner la Times Astur, Courier Astur y Arial Astur, que permiten l'emplegu de la l.l y la h., puen descargase de "nel pozu la pita".

Una Paxina web imprecincible : Asturies.com y lne.es son les primeres que l.leo pela mañana, tamién resulltame imprecindible la páxina del diccionariu Xeneral de la l.lingua pa cualesquier consulta.

Un blog n'otra l.lingua distinta del asturianu : Nun soi yo mui de l.leer blogs podría dicir del.los, los de los mios col.lacios pero caberamente tan un pelacu paraos, el que mas furrula sedría el de ivan o'l fotolog de lagu.

Y agora tres blogs n'asturianu : Como ya dixi enantes nun soi muncho de l.leer blogs, ya estes altures de meme nun se a quién poner, asína que anque, nun seyan blogs n'asturianu, si son blogs d'asturianos, y creyo que por esta vegada podrán escribir na nuesa l.lingua :

Historia de Ujoven : Hestories de la nuesa ex-asociacion xuvenil n'uxo, que bien lo teníemos pasao ....

Igayoso's life : Un geek, un crack, un col.laciu ...

Garbatos, letras y poco mas : Arte y diseñu 3d, semeyes y poemes , como'l mesmu se define : mineru y poeta.

garabatos, letras y poco más

Lagu

Torno güei al blog pa alcordame del mio col.laciu Lagu. Si esi ñarru que nun pase del metru y mediu, esi qu'el so deporte ñacional ye cortexar camareres, esi ...

Ta'n Paris dende va ya dos meses, ehí trabayando o eso diz el.li.

Na neñu, prestome asgaya la semeya nel to fotolog, que t'alcuerdes asina.

engëyamonos bien ceu, la parriel.la ta ehi al l.lau.

Los tos güeyos prietos

Fae cuasi dos meses que nun escribía nada perequí, nun teo ganes, ya si agora escribo ye mas que na por nun dar por pesl.láu el blog anque fora temporal, nun sabía que poner, asína que subo isti poema que tenía escaecíu per dalgún rincón, voi titulalu "Los tos güeyos prietos" :

Febles miráes tremanense nel olvidu como denyuri asocedies,

ya vegaes tornen, como rellumos d'otres vides

Pero yo caltengo la imaxen de los tos güeyos prietos,

nun escaezco el refundiu qu'había n'ellos.

Tardes de lluces, nueches de llunes, díis de soles,

istantes furtivos, de miráes cruciaes.

Y non tan lloñe un coral fechu piedra, que falta nel to pechu.

Ú dibes dir? Ú fuxíes? Sele, acallantada.

Equí aguardé, con les mios esperancies, con los tos secretos,

ya nun aportó de ti, más que un susurru llonxanu.

Ya nun escaezco, que yeren tardes de lluces, nueches de llunes, díis de soles,

istantes furtivos, de miráes cruciaes.