Nun soi a fuxir de los trasgos

Hai que ver que coses pasen, un cola de'l so pais vase pa la capital d'otru estáu, nesti casu l'estáu español, y cuala ye la mio sorpresa que nun soi quien (ni quiero) a l.librame de los tragos asturianos, y ya nun lo digo polos tres asturianinos con los vivo, ni pol restu de l.leendes Urbanes que tamos perende, non non falo de los trasgos de verdá, de los del furacu na manzorga, esplicovos la mio teoría.

Güei taba en casina poniendo la ropa a ensugar, cuandu sin previu avisu entamó a cayer un bastiazu tipicu d'estos del branu, d'estos que n'asturies tenemos milenta en xunetu y agostu pero que equí en madrid nun son costumaos.

Asina pues tando yo na mio tarreña ya'l bastiazu entamau, nun vía más que xente galguíando pela cai, cosa normal en madrid que nun vieron l.lover na vida, pero lo raro nun yera eso, pel mediu la cai baxaba un riachuelu d'augua, pero non, nun yera un riachuelu cualisquiera,non esti yera blancu como`l llechi, yera como cuando la mio vecina maruxa, l.limpiaba l'estragal y al bilar, chaba l'augua puerco cai abaxo fasta´l bolugu, esi augua que porta enriba una capa d'espluma blanco.

Pos así yera'l riachuelu, y yo entrugome ¿Como pue ser que un riachuelu de l.luvia seya blancu?
Nesti puntu tengo camentáes tres teoríes :

1-Que l'aire de madrid ye tan puerco que cuando l.lueve to esa porcayada que ta nel aire cae al suelu.
2-Que eses coses rares que la Espe cha-y a les ñubes, esi sulfatu/sodiu/potasiu/ no se que mas de plata nun ye tan bonu y tan sanu como dicen.
3-Que una brañada de trasgos abondo ñarros van poles cais de madrid cuando l.lueve chando deterxente y l.lixia per toos l.laos.

Caún que camiente lo que quiera, que elixa la so teoria, yo elixo la tercer teoría, porque ye la que mas real me paez, nun me creo ni que'l aire de madrid te puerco ni que lo que Espe cha-y les ñubes seya malo, asina pues nun pue ser otra cosa na mas que nun fuxo de los trasgos ni en madrid.